சனி, 2 அக்டோபர், 2021

நானொரு பாகத் திரியாய் !



நாடியப் பாதம் அறியாய் நடராசா
நானொரு பாகத் திரியாய்
சூடிய நாமம் தெளிவாய் நடராசா
சூதன மாயை மதுவாய்
பாடிடத் தாகம் தணியாய் நடராசா
பாதையின் பாரம் படியாய்
தேடியத் தோணித் துணிவாய் நடராசா
தேனென மேகத் திரளாய்
ஆடிட ஆவல் அருளாய் நடராசா
ஆணவம் தீர அணையாய்
ஓடிடுங் காளைக் கருணா நடராசா
ஓய்வென வேண்டாச் சுடராய்
வாடிடும் பாவைப் படர்ந்தாள் நடராசா
வாழிய வாடா மலராய்
ஈடிணை யற்ற உயர்வே நடராசா
ஈவதுன் ஈரம் துணையாய்

கருத்துகள் இல்லை:

நன்றி தோழி பிரஷா

முத்துச்சிதறல் அளித்த முத்தான முதல் விருது

முத்துச்சிதறல் அளித்த முத்தான முதல் விருது

அம்மா மனோசாமிநாதன் அவர்களுக்கு நன்றி

அம்மா மனோசாமிநாதன் அவர்களுக்கு நன்றி

ஏட்டில் ஏறிய என் முதற்கனவு மாதங்களில் காதலி