"உயிர் மட்டும் பேசுதடி........!"

கடுகும் கனக்குதடி-நின்

கார விழி பார்வையிலே

கரும்பும் கசக்குதடி-நின்னை

காணாத நாழிகையில்

குரும்மிளகு இனிக்குதடி-நின்

மீளாப் புன்னகையில்

குயில் கூவ மறந்ததடி-வின்

வியக்க குரல் கேட்டு..!

வலியும் சுகம் சுமக்குதடி-நீ

வரும் கடைகால நினைவினிலே

உடல் கிழிந்த கோலமடி-என்

உயிர் மட்டும் பேசுதடி

எமன் அழைக்கும் நேரமடி-நீ

எங்கிருக்காய் என்னவளே

சதி செய்த சாதிவெறி-என்

உடல் ருசித்து பசிதீர்த்ததடி

எவன் படைத்த சாதியடி-தினம்

குருதி சுவைக்க போகுதடி

மதிவெல்லும் உலகமடி-இனி

மாறவேண்டும் சாதிவெறி

களங்கமில்லா காதலடி-என்

உடல் மட்டும் மரணித்து

உயிர் மட்டும் பேசுதடி....!

டிஸ்கி : இது ஒரு மீள் தானுங்க சுவைத்து பாருங்க உங்க மூளைக்கும் விருந்து